చిట్వేల్ మండలంలో ఊపందుకున్న ఇంటింటా పాటూరి ప్రచారం

చిట్వేల్ మండలంలో ఊపందుకున్న ఇంటింటా పాటూరి ప్రచారం
రైల్వే కోడూరు జై భీమ్ వాయిస్ టుడే:
​తిరుపతి జిల్లా రైల్వేకోడూరు నియోజకవర్గ పరిధిలోని చిట్వేల్ మండలం కేఎస్ అగ్రహారం హరిజనవాడలో ఎన్నికల వాతావరణం పతాక స్థాయికి చేరింది. కుండపోతగా వర్షం కురుస్తున్నప్పటికీ లెక్కచేయకుండా తెలుగుదేశం పార్టీ సీనియర్ నాయకులు పాటూరు శ్రీనివాసులు రెడ్డి తన సతీమణి, ఎంపీటీసీ అభ్యర్థి పాటూరు సుమలత గెలుపే లక్ష్యంగా ప్రచారాన్ని హోరెత్తించారు.
​గ్రామానికి చేరుకున్న నాయకులకు స్థానిక ప్రజలు నిండు మనస్సుతో స్వాగతం పలికారు. ప్రచార ఆరంభానికి ముందుగా శ్రీనివాసులు రెడ్డి కొబ్బరికాయ కొట్టి గంగమ్మ అమ్మవారిని దర్శించుకుని ప్రత్యేక పూజలు నిర్వహించారు. అనంతరం స్థానిక ప్రజా క్షేత్రంలోకి అడుగుపెట్టి ఇంటింటి ప్రచార కార్యక్రమాన్ని ప్రారంభించారు. వాన చినుకులు పడుతున్నా వెనుకంజ వేయకుండా గ్రామంలోని ప్రతి ఇంటా ఓటర్లను కలుసుకుంటూ సుమలతకు మద్దతు తెలపాలని విజ్ఞప్తి చేశారు.
​ప్రతికూల వాతావరణంలోనూ ప్రజా పర్యటన కొనసాగించడం పట్ల స్థానికుల్లో ఆసక్తికరమైన చర్చ నడిచింది. సుమలత విజయం సాధిస్తే గ్రామాన్ని పగడ్బందీగా అభివృద్ధి పథంలోకి తీసుకెళ్లడంతో పాటు, స్థానిక సమస్యల పరిష్కారానికి నిరంతరం కృషి చేస్తామని ఈ సందర్భంగా వివరించారు. ఈ ప్రచారంలో పార్టీ ముఖ్య నాయకులు, కార్యకర్తలు మరియు పెద్ద సంఖ్యలో గ్రామస్థులు పాల్గొని అభ్యర్థికి మద్దతు తెలిపారు.